Qaçqın statusu almış şəxslərin övladları üçün tədbir təşkil edilib

Dövlət Miqrasiya Xidmətinin yaradılmasının 19-cu ildönümü və miqrasiya orqanları işçilərinin peşə bayramı münasibətilə ölkəmizdə qaçqın statusu almış, həmçinin qaçqın statusunun verilməsi ilə bağlı müraciət etmiş şəxslərin övladları üçün tədbir təşkil olunub.

DMX-nin Həmkarlar İttifaqı Komitəsinin təşkilatçılığı ilə keçirilən tədbir uşaqların sosial və mədəni inkişafını dəstəkləməklə yanaşı, onların Azərbaycan cəmiyyətinə inteqrasiyasını təşviq etmək və xoşbəxt, sağlam böyümələrinə dəstək vermək məqsədi daşıyır.