Azərbaycan Respublikası Dövlət Miqrasiya Xidmətinin 2016-cı ilin noyabr ayına olan statistik məlumatları

Azərbaycan Respublikasının Dövlət Miqrasiya Xidməti tərəfindən 2016-cı ilin noyabr ayı ərzində miqrasiya sahəsində dövlət siyasətinin həyata keçirilməsi, miqrasiya proseslərinə dövlət nəzarətinin gücləndirilməsi, idarə edilməsi və tənzimlənməsi, o cümlədən qanunsuz miqrasiyanın qarşısının alınması istiqamətində müvafiq tədbirlər həyata keçirilib.

Ay ərzində 1855 əcnəbi tərəfindən Azərbaycan Respublikasında olma, habelə müvəqqəti və daimi yaşama qaydalarına əməl etmədən inzibati qanunvericiliyin tələblərinin pozulması halları müəyyən edilib. Onlardan 17-nin Azərbaycan Respublikası ərazisində müvəqqəti və ya daimi yaşamaq üçün əsas verən sənədləri itirildiyindən yenisi ilə əvəz olunub, 190 nəfərin ölkə ərazisində yaşamaları leqallaşdırılıb, 1260 əcnəbinin Azərbaycan Respublikası ərazisini 48 saat ərzində tərk etmələri, 388 əcnəbinin isə inzibati qaydada ölkə hüdudlarından kənara çıxarılmaları barədə qərarlar qəbul edilib.

Ümumiyyətlə, ay  ərzində Azərbaycan Respublikasının Dövlət Miqrasiya Xidmətinə əcnəbilər və vətəndaşlığı olmayan şəxslər tərəfindən ölkədə müvəqqəti olma müddətlərinin uzadılması, müvəqqəti və daimi yaşamaq üçün icazələrin verilməsi, vətəndaşlığa qəbul, xitam, bərpa, eləcə də vətəndaşlıq mənsubiyyətinin və qaçqın statusunun müəyyənləşdirilməsi, həmçinin əmək fəaliyyətinin həyata keçirilməsi üçün iş icazələrinin verilməsi və mövcud iş icazələrinin müddətlərinin uzadılması ilə bağlı 9512 müraciət daxil olub. Müraciətlərin hər biri ayrı-ayrılıqda Azərbaycan Respublikası qanunvericiliyinin tələblərinə uyğun olaraq araşdırılıb və müvafiq qərarlar qəbul edilib.

Ötən ay ərzində olduğu yer üzrə qeydiyyatla bağlı 45709 əcnəbinin müraciəti qeydə alınıb.

Dövlət Miqrasiya Xidməti tərəfindən ay ərzində respublikanın ayrı-ayrı bölgələrində 4 maarifləndirmə tədbiri keçirilib, o cümlədən 80 şəxsə səyyar xidmət göstərilib.

Dövlət Miqrasiya Xidməti tərəfindən qanunsuz miqrasiyaya qarşı keçi­ril­miş tədbirlər za­ma­nı 1 nə­fər İraq Res­­pub­li­ka­sı və­tən­da­şı  Ahmad Abdulhaq İsmael saxlanılıb.

Araşdırma zamanı Ahmad Abdulhaq İsmaelin İraq vətən­daş­la­­rının təhsil adı altında xarici ölkərə göndərilmələrini təşkil etdiyi məlum ol­ub. Belə ki, Ahmad Abdulhaq İsmael İraqın Kərkük şəhərində fəaliyyət gös­tərən “Karkuk Center for Education Services” şirkətinə rəhbərlik etdiyi dövr ərzində İraq vətəndaşlarının təhsil məqsədilə İordaniya Haşimi Krallığı, Rusiya Fe­­de­ra­si­yası, Uk­ray­na, Malaziya, Hindistan kimi ölkələrə göndərilmələrini təşkil et­mişdir. 2016-cı ildən baş­layaraq Ahmad Abdulhaq İsmael öz həmvətənlərini al­da­daraq Azərbaycan Res­publikasına göndərilməsini təşkil etməyə başla­yıb. Ahmad Abdulhaq İsmael ölkəmizdə fəa­liyyət göstərən ali təhsil müəssi­sə­lə­rin­d­ə təhsil al­­maq adı altında 30 nəfər İraq vətəndaşının müəyyən məbləğdə ödəniş qar­­şı­lı­ğın­da Azərbaycan Res­pub­li­ka­sına gətirilməsini təşkil edib və on­ları müxtəlif ün­vanlarda yerləş­dirib. Lakin həmin əc­nə­bi­lə­rin burada ali təhsil müəs­səsilərinə qəbul edilmələri üçün zəruri prosedurları ye­ri­nə ye­tirməyib və həm­vətənlərindən dələduzluq yolu ilə aldığı küllü miqdarda vəsaiti mənim­səyib.

Aşkar edilmiş faklarla bağlı Ahmad Abdulhaq İsmaelin müvafiq məsuliyyətə cəlb edilməsi istiqamətində tədbirlər görülür.

Dövlət Miqrasiya Xidməti tə­rə­fin­­dən qanunsuz miqrasiyaya qarşı mübarizə çərçivəsində tədbirlər da­vam etdirilir.