Dövlət Miqrasiya Xidmətinin rəisi vətəndaşları qəbul edib

Azərbaycan Respublikasının Dövlət Miqrasiya Xidmətində qəbul qaydalarına uyğun olaraq vətəndaşların növbəti qəbulu təşkil olunub.

Qəbul Xidmət rəisi, II dərəcəli dövlət miqrasiya xidməti müşaviri Vüsal Hüseynov tərəfindən həyata keçirilib.

Xidmətin fəaliyyət istiqamətlərinə uyğun olaraq vətəndaşların müraciətləri dinlənilib və müvafiq qaydada qeydə alınıb. Xidmət rəisi qaldırılan digər məsələlərin qanunvericiliyin tələblərinə uyğun olaraq qısa müddətdə həllinə dair tapşırıqlar verib.

Qeyd edək ki, qəbul prosesində həmçinin mentorluq proqramı çərçivəsində beşinci “Yüksəliş” müsabiqəsinin qalibləri Kamran Sadıxlı və Fərid Mustafayev də iştirak edib. Müsabiqə qaliblərinin xüsusi hazırlanmış proqram çərçivəsində silsilə tədbirlərə cəlb edilməsi davam etdirilir.

“Yüksəliş” müsabiqəsi Prezident İlham Əliyevin 2019-cu il 26 iyul tarixli sərəncamına əsasən, intellektual səviyyəsi və idarəçilik bacarıqları yüksək olan perspektiv rəhbər şəxslərin müəyyən edilməsini, dəstəklənməsini və ölkədə kadr ehtiyatı bankının yaradılmasını təmin etmək məqsədilə təsis olunub.