Dövlət Miqrasiya Xidməti “Konstitusiya və Suverenlik ili” çərçivəsində ekskursiya təşkil edib

2025-ci ilin “Konstitusiya və Suverenlik ili” elan edilməsi ilə əlaqədar Dövlət Miqrasiya Xidməti tərəfindən Azərbaycan İstiqlal Muzeyi və Milli Azərbaycan Tarixi Muzeyinə maarifləndirici ekskursiya təşkil olunub.

Ekskursiyada Xidmətin əməkdaşları, “Miqrasiya məktəbi” layihəsinin iştirakçıları, “Miqrasiya Könüllüləri” İctimai Birliyinin üzvləri, eləcə də Dövlət Miqrasiya Xidməti tərəfindən ölkəmizdə qaçqın statusu verilmiş şəxslər və onların övladları iştirak ediblər. Məqsəd iştirakçılarda vətənpərvərlik ruhunu gücləndirmək, milli tariximizə dair bilikləri artırmaq və Konstitusiyanın ictimai əhəmiyyətinə diqqət çəkmək olub.

Səfər zamanı iştirakçılar Azərbaycanın müstəqillik tarixini, suverenlik uğrunda mübarizəni və dövlətçilik ənənələrinin formalaşma mərhələlərini əhatə edən ekspozisiyalarla tanış olublar.