Dövlət Miqrasiya Xidmətində “Miqrasiya: Əsas anlayışlar və tənzimlənmə mexanizmləri” mövzusunda təlim keçirilib

Dövlət Miqrasiya Xidməti və Beynəlxalq Miqrasiya Təşkilatının Azərbaycandakı Nümayəndəliyinin birgə təşəbbüsü olan Miqrasiya üzrə Regional Təlim Mərkəzində gənc nəslin miqrasiyanın faydaları barədə məlumatlandırılması məqsədilə “Miqrasiya: Əsas anlayışlar və tənzimlənmə mexanizmləri” mövzusunda təlim keçirilib.

Təlimdə Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin, Elm və Təhsil Nazirliyi yanında Peşə Təhsili üzrə Dövlət Agentliyinin nümayəndələri, o cümlədən “Məktəblinin Dostu” layihəsinin əməkdaşları iştirak ediblər. 

İştirakçılara miqrasiya sahəsindəki əsas anlayışlar və terminlər, miqrasiya qanunvericiliyi, Azərbaycanda miqrasiya siyasətinin praktiki aspektləri, miqrasiyanın tənzimlənmə mexanizmləri barədə ətraflı məlumat verilib. Miqrasiya proseslərinin idarə edilməsi və tənzimlənməsi ilə bağlı fikir mübadiləsi aparılıb.