Əcnəbi olduğu yer üzrə qeydiyyata düşmək üçün nə etməli, qeydiyyatının statusunu necə yoxlamalıdır?

Olduğu yer üzrə qeydiyyata düşmək üçün əcnəbi ölkəyə gəldiyi vaxtdan 15 gün ərzində (Qazaxıstan Respublikasının vətəndaşları 30 gün ərzində) Dövlət Miqrasiya Xidmətinin rəsmi internet səhifəsində (https://www.migration.gov.az) yerləşdirilmiş elektron xidmətlərdən istifadə etməklə və ya elektron poçt (qeydiyyat@migration.gov.az) vasitəsilə elektron qaydada, yaxud regional miqrasiya idarələrinə, "ASAN Xidmət" mərkəzlərinə müraciət etməlidir. Qeydiyyata alındığı barədə məlumatı Dövlət Miqrasiya Xidmətinin rəsmi internet səhifəsində (https://www.migration.gov.az) “qeydiyyat statusunun yoxlanılması” və “müraciətlərin izlənməsi” elektron xidmətləri, həmçinin “MİG.AZ” mobil tətbiqi vasitəsilə müraciətlərin izlənməsi pəncərəsində) əldə etmək mümkündür.