Dövlət Miqrasiya Xidmətinin əməkdaşları müxtəlif idman yarışlarında uğur qazanıblar

Dövlət Miqrasiya Xidmətinin əməkdaşı Əli Əsgərov pauerliftinq üzrə 150-yə yaxın idmançının mübarizə apardığı ölkə çempionatında 15-ci dəfə qızıl medal qazanıb.

Ə. Əsgərov Bakı Əl Oyunları İdman Sarayında keçirilən yarışda 90 kiloqramadək idmançılar arasında bütün rəqiblərini üstələyərək qalib gəlib.

Milli komandanın tərkibinin müəyyən edildiyi yarışda ölkə çempionları bu ilin iyun ayında Finlandiyada keçiriləcək Avropa çempionatına vəsiqə əldə ediblər.

Həmçinin Dövlət Miqrasiya Xidmətinin digər əməkdaşı Babək Fətullazadə Gənclər və İdman Nazirliyi və Azərbaycan Qolf Federasiyasının təşkilatçılığı ilə dövlət qurumlarının əməkdaşları arasında keçirilən qolf yarışında üçüncü yeri tutub.