Dövlət Miqrasiya Xidməti yanında İctimai Şuraya keçirilən seçkilərin yekun nəticələri elan olunub

“İctimai iştirakçılıq haqqında” Azərbaycan Respublikasının 2013-cü il 22 noyabr tarixli 816-IVQ nömrəli Qanununa və Azərbaycan Respublikası Nazirlər Kabinetinin 2014-cü il 30 may tarixli 171 nömrəli Qərarı ilə təsdiq edilmiş “İctimai şuranın vətəndaş cəmiyyəti institutları tərəfindən seçilməsinə dair Əsasnamə”yə uyğun olaraq 21 iyul 2023-cü il tarixdə Dövlət Miqrasiya Xidməti yanında İctimai Şuraya  (bundan sonra - İctimai Şura) boş qalan 3 yer üçün təkrar seçkilər keçirilib. Təkrar seçkilərdə qanunvericiliyə müvafiq olaraq tələb olunan səs çoxluğunu toplamış 3 namizəd İctimai Şuranın üzvü seçilib:

1. Fərzəliyev Əli Vələhəd oğlu - “Avrasiya Hüquqşünaslar Assosiasiyası” İctimai Birliyi
2. Hüseynova Məhsəti Əli qızı - “Gənclərin Töhfəsi” İctimai Birliyi
3. Kətanov Məmməd Teymur oğlu - “Azərbaycan Qızıl Aypara Cəmiyyəti”

Beləliklə, 19 və 21 iyul tarixlərində Bakı şəhəri regional miqrasiya baş idarəsinin inzibati binasında (Bakı şəhəri, Atatürk prospekti 189) keçirilən seçkilərin nəticələrinə uyğun olaraq tələb olunan səs çoxluğunu toplamış İctimai Şuranın yeni tərkibdə üzvləri aşağıdakılardan ibarətdir:

1. Əliyev Fuad Ağasi oğlu - “Vətəndaş Hüquqlarının Müdafiəsinə Dəstək” İctimai Birliyi
2. Fərzəliyev Əli Vələhəd oğlu - “Avrasiya Hüquqşünaslar Assosiasiyası” İctimai Birliyi
3. Gözəlova Günel Salam qızı - “Jurnalist Sənətkarlığının İnkişafına Dəstək” İctimai Birliyi
4. Hüseynova Məhsəti Əli qızı - “Gənclərin Töhfəsi” İctimai Birliyi
5. İskəndərli Ramil Əvəz oğlu - “Hüquqi Təhlil və Araşdırmalar” İctimai Birliyi
6. Kətanov Məmməd Teymur oğlu - “Azərbaycan Qızıl Aypara Cəmiyyəti”
7. Mehtiyeva Rahilə İbrahim qızı - “Sosial-İqtisadi və Ekoloji İnkişaf” İctimai Birliyi
8. Şükürov Adil Arif oğlu - “Miqrasiya Könüllüsü” İctimai Birliyi
9. Vəliyev Asim Nazim oğlu - “Gənc Diplomatların Peşəkarlığının İnkişafına Dəstək” İctimai Birliyi