Lənkəran regional miqrasiya idarəsi tərəfindən maarifləndirmə tədbiri təşkil olunub

Yardımlı rayon İnzibati Ərazi Dairəsi nümayəndələrinin iştirakı ilə keçirilən tədbirdə Azərbaycanda miqrasiya proseslərinin tənzimlənməsi, qanunsuz miqrasiyaya qarşı mübarizə və xidməti fəaliyyətdə tətbiq olunan yeniliklər barədə məlumat verilib. Həmçinin 24 saat 3 dildə fəaliyyət göstərən 919 Çağrı Mərkəzi, MİGAZ mobil tətbiqi, Xidmət tərəfindən göstərilən elektron xidmətlərdən söhbət açılıb.

Sonda tədbir iştirakçılarını maraqlandıran suallar qanunvericiliyə müvafiq qaydada cavablandırılıb.