Qəbələdə əcnəbi və vətəndaşlığı olmayan şəxslərlə futbol üzrə yoldaşlıq görüşü keçirilib

Dövlət Miqrasiya Xidmətinin yaradılmasının 15-ci ildönümü və miqrasiya orqanları işçilərinin peşə bayramı ilə əlaqədar təsdiqlənmiş illik Tədbirlər Planına uyğun olaraq, silsilə tədbirlər davam etdirilir. Növbəti belə tədbir Qəbələdə təşkil olunub. Miqrantların inteqrasiyasına dəstək məqsədilə Şəki regional miqrasiya idarəsinin əməkdaşları ilə xidməti ərazidə yaşayan əcnəbilər arasında futbol matçı keçirilib. Tədbirdən sonra Şəki regional miqrasiya idarəsinin əməkdaşları Qəbələ və Qarabağ peşekar futbol klublarında çıxış edən əcnəbi futbolçularla görüşüblər.