Regional miqrasiya idarələrinin əməkdaşları Dövlət Miqrasiya Xidmətinin yaradılmasının 15-ci ildönümünü qeyd ediblər

Dövlət Miqrasiya Xidmətinin yaradılmasının 15-ci ildönümü və miqrasiya orqanları işçilərinin peşə bayramı ilə əlaqədar Gəncə, Şəki, Yevlax və Şirvanda regional miqrasiya idarələrinin əməkdaşları rayon mərkəzində ulu öndər Heydər Əliyevin xatirəsinə ucaldılmış abidəni ziyarət edərək, ruhuna dərin hörmət və ehtiramlarını bildiriblər. Həmçinin regionlarda yerləşən Şəhidlər Xiyabanında Azərbaycanın ərazi bütövlüyü uğrunda canından keçmiş Vətən övladlarının xatirəsi anılıb, məzarları üzərinə gül dəstələri düzülüb.

Xidmətin 15 illiyi ərəfəsində Yevlax şəhər Qanunsuz Miqrantların Saxlanılması Mərkəzinin  inzibati ərazisində ağacəkmə aksiyası da təşkil olunub.