newsPhoto

“Miqrasiya Könüllüsü” İctimai Birliyi və “FOR AZERBAIJAN” Beynəlxalq Təşkilatının birgə əməkdaşlığı ilə yeni layihəyə start verilib

Müxtəlif beynəlxalq təşkilatlarda çalışan bir qrup vətənpərvər həmyerlimiz tərəfindən aztəminatlı şəhid və qazi ailələrinə, ehtiyacı olan insanlara davamlı dəstək məqsədilə Amerika Birləşmiş Ştatlarında yaradılmış “FOR AZERBAIJAN” təşkilatı Azərbaycanda Miqrasiya könüllüləri ilə partnyorluq fəaliyyətinə başlayıb.

İlk layihə çərçivəsində Miqrasiya Könüllüləri müraciət əsasında bir qrup aztəminatlı şəhid və qazi ailələrinin ehtiyacları ilə tanış olub və həmin ailələrə zəruri ərzaq məhsullarının alınması və çatdırılması istiqamətində köməklik göstəriblər. Təyin edilmiş 12 ailənin layihə boyunca 6 ay müddətində aylıq 300 AZN məbləğində ərzaq təminatı həyata keçiriləcək. Bundan əlavə, həmin şəxslərin məişət avadanlıqları təminatının yaxşılaşdırılması istiqamətində bir sıra birgə fəaliyyət nəzərdə tutulur.

Qeyd edək ki, “Miqrasiya Könüllüsü” İctimai Birliyi ilə tərəfdaş olan “FOR AZERBAIJAN” təşkilatı əsasən xaricdə məskunlaşmış xeyirxah insanların ianələrini cəmləyərək Azəbaycanda ehtiyacları olan ən həssas vətəndaşlara təsirli, şəffaf, dayanıqlı və miqyaslanabilən dəstəyin təminatına xidmət edir.

“FOR AZERBAIJAN” təşkilatının idarə heyətinin sədri Beynəlxalq Valyuta Fondu sədrinin baş müşaviri Samir Süleymanovdur.


© 2024 Azərbaycan Respublikası Dövlət Miqrasiya Xidməti
İstifadəçi qaydaları | Məxfilik siyasəti | Bütün hüquqlar qorunur