Küveyt Dövlətinin Daxili İşlər Nazirliyi yanında baş yaşayış icazəsi idarəsinin rəisi Azərbaycanda səfərdədir

Azərbaycanda səfərdə olan Küveyt Dövlətinin Daxili İşlər Nazirliyi yanında baş yaşayış icazəsi idarəsinin rəisi Talal Marefi Fəxri xiyabana gələrək xalqımızın ümummilli lideri, müasir müstəqil dövlətimizin memarı və qurucusu Heydər Əliyevin xatirəsini yad edib.

Görkəmli oftalmoloq-alim, akademik Zərifə xanım Əliyevanın da xatirəsi anılıb, məzarı üzərinə tər güllər düzülüb.

Sonra Şəhidlər xiyabanına gedən qonaq Azərbaycanın müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının məzarları üzərinə tər çiçəklər düzüb.

Qonaqlar Bakının ən hündür nöqtəsindən Azərbaycan paytaxtının mənzərəsini seyr ediblər.